Këshilli Rinor Pogradec, me rastin e “1 Majit”, ka zgjedhur të urojë të gjithë lexuesit e Gazetës Rinore “Letër e Hapur” me një artikull informues për vitin 2022/2023, duke shpalosur disa prej aktiviteteve dhe veprimtarive të Këshillit Rinor Pogradec, por edhe listën e mbështetësve gjatë këtij viti. Me rastin e Ditës Ndërkombëtare të Punëtorëve, falënderojmë për mbështetjen e përhershme qysh në themelim, Akademinë “Nehemiah Gateway” dhe Bashkinë Pogradec.
Gjithashtu, falënderojmë për mbështetjen edhe disa organizata të shoqërisë civile, të cilat na kanë përfshirë në projektet e tyre, si: Fondacionin “Mirësia”, ALS Consulting, Qendra “AME”, Shoqata “Art IMPULSE”, Universiteti i Arteve, GLR Vorë, Instituti për Zhvillimin Strategjik dhe Qëndresa Qytetare, por jo të pakta kanë qenë edhe bashkëpunimet me institucione publike, si: Muzeu Historik i Qytetit, Muzeu i Artit Mesjetar, Korçë, Zyra Vendore Arsimore Pogradec, Qendra Kulturore “Lasgush Pogradeci”, Biblioteka “Mitrush Kuteli” dhe Qëndra Rinore, Bashkia Pogradec.
Ndër veprimtaritë, aktivitetet dhe bashkëpunimet kryesore përmendim: Rikonstituimi i KRP; Vizitë tek Qëndra e re e Fizioterapisë; Gazeta Rinore “Letër e Hapur” model suksesi; shpërndarja e dhuratave dhe urimeve me rastin e 7 marsit; shpërndarja e dhuratave dhe urimeve për 8 Marsin; pantomima “Muza e Krijuesit”; Java Europiane; Përfaqësimi i Gazetës Rinore “Letër e Hapur” në anëtarësinë e Këshillit Vendor Rinor me një përfaqësues nga Këshilli Rinor Pogradec me dy koordinatoret; BBQ night; 11 seancat e Këshillimit të Karrierës “Zgjedh vetëm kush di”; “Day n Night”; filmi me metrazh të shkurtër “How it feels”; pjesëmarrje në Akademinë e Angazhimit Qytetar “Citizen in Charge”; Muri i Dëshirave për Ditën e Rinisë; Movie night; angazhim dhe pjesëmarrje në Christmas Market; “Lidhja ndërmjet brezave”; cikli i filmave dokumentarë “Legjendat e Gjolit”; Asistenca në ngritjen e GLR Vorë; Shkëmbimi i eksperiencave me GLR Vorë; angazhim dhe pjesëmarrje tek “Girls and Walls”; Nisma “Dhuro një libër për Bibliotekën e Komunës së Bujanocit”; forum diskutimi dhe promovimi i Studimit mbi Integrimin Rajonal Ekonomik; Takim me kryetaren e Këshillit të Qarkut Korçë; Projekti “Re-Act” (takime intervistuese dhe advokim për çështjet rinore me Kryetarin e Bashkisë Pogradec, Drejtorin e Rinisë, Përgjegjësen e Rinisë, Specialisten pranë Qendrës Rinore); angazhimi për njoftimin e Bursës “Jorgji Jajçari”; Konkursi letrar “Besniku i Librit”; Përfaqësim në panairin “Invest in our planet“ Dita Botërore e tokës etj.
Këshilli Rinor Pogradec është një organizëm rinor i pavarur, i cili përfaqësohet me nga 5 nxënës me rezultate të larta në mësime dhe aktivë nga të gjitha gjimnazet e rrethit të Pogradecit. Aktualisht, Këshilli Rinor Pogradec ka 35 antarë të regjistruar, nga të cilët 14 janë anëtarë të Komitetit organizativ dhe 4 janë koordinatorë të tij. Këshilli Rinor Pogradec realizon aktivitetet e tij me baza vullnetare dhe komunitare në fushat me vokacion rinor, me mbeshtetjen e Akademinë “Nehemiah Gateway” dhe Bashkinë Pogradec.
Gazetare: Klea Gjika
