32 C
Pogradec

Natyra nuk del kurrë nga moda

Liqeni i Ohrit dhe gadishulli i Linit janë mikpritësit e parë të çdo turisti sapo kalon Qafë Thanën. Jo pak prej tyre shprehen se një ditë do ta shkelin kurrizin e Gadishullit të Linit që prehet në brigjet e kulluara blu të liqenit. Fatkeqësisht, jo të gjithë arrijnë ta bëjnë këtë, sepse një shëtitje në fshatin e Linit, vizita te Bazilika dhe deri te përshkimi i shtigjeve turistike në atë zonë kërkojnë një udhërrëfyes turistik të mirëfilltë për ta shijuar si duhet natyrën, por jo më pak edhe pasurinë arkeologjike dhe gjurmët historike të paraardhësve të kësaj zone.

“Është mirë që turistët të vizitojnë Lin 1, Lin 2 dhe Lin 3, duke mësuar informacione interesante nga periudha e palafiteve, neoliti dhe deri në kohët e sotme.” – u shpreh ciceroni ynë, mësuesi Eljo Miti gjatë udhëtimit tonë nga Pogradeci për në Lin. Këto site edhe për ne do të ishin të panjohura, po të mos kishte qënë për angazhimin tonë si pjesë e Këshillit Rinor Pogradec me ftesën dhe bashkëpunimin e “Visit Pogradec”, udhërrëfyesin turistik z. Aleksandër Filipllari dhe natyrisht IAL “Nehemiah Gateway” dhe Bashkinë Pogradec për aprovimin dhe mbështjetjen e aktivitetit.

Në fundjavën e parë (7/9/23) ndoqëm intenerarin: vendbanimin e tipit palafit pranë fshatit Boqezë (Lin 3); bazilikën paleokristiane të Linit & mozaikun; bunkerin (dikur Kishë); rrethuam gadishullin e Linit nga Zagrada në fshat; një ndalesë e fundit në kthim, pranë Gurit të Kuq, ku vizituam ish-fabrikën e përpunimit të hekur-nikelit.

Album fotosh nga ekspedita në Lin

Por, natyra nuk del kurrë nga moda. Ne piketuam një tjetër momument gjeonatyror “Gurin e Capit” në zonën e fshatit Drenovë, ku patëm kënaqësinë të vizitojmë fundjavën e radhës (27/9/23): ish-Minierën e Qymyrit; Parkun Kombëtar “Bredhi i Drenovës”; Burimin e Ariut; Gurin e Capit. Të dyja fundjavat na dhuruan emocione mbresëlënëse të shoqërizimit me njëri-tjetrin gjatë piknikëve të organizuar në këto destinacione turistike.

Album fotosh nga ekspedita në Gurin e Capit

Vlen të ftojmë çdo bashkëmoshatar, por edhe çdo banor dhe turist të Pogradecit, të cilët duan të përjetojnë një fundjavë ndryshe në krahët e natyrës. Na kontaktoni në rrjetin tonë social të Këshillit Rinor Pogradec për t’ju ofruar informacion mbi udhërrëfyesit turistikë në Pogradec, që mund t’ju shoqërojnë duke ju pajisur me mjetet dhe informacionin e nevojshëm për të kaluar një aventurë të paharrueshme.

Gazetare: Ilva Meçi

PËRGJIGJU

Please enter your comment!
Vendosi emrin këtu

spot_img
spot_img

TË NGJASHME

Dashuri – Respekt – Mirënjohje (Dita Kombëtare e Mësuesit)

Fjalët nuk mjaftojnë kurrë për të shpërfaqur mirënjohjen e merituar për mëkuesit e dijes, mësuesit tanë të dashur...

Vip Talk & Share, Edicioni III

Një ndër aktivitetet e përvitshme të organizuara nga Këshilli Rinor Pogradec, është aktiviteti Vip Talk & Share, edicioni...

Konkursi & Ekspozita “KUQEZI”

Edhe pse në kushte të vështira atmosferike realizohet me sukses konkursi dhe ekspozita “KUQEZI”, në datën 29 nëntor...

Vlera e mësuesit dhe pesha e qiellit nuk maten kurrë. (Konfuci)

Si çdo vit, Këshilli Rinor Pogradec uron mësuesit e qytetit të Pogradecit në një formë të veçantë. Këtë...