Si çdo vit, Këshilli Rinor Pogradec uron mësuesit e qytetit të Pogradecit në një formë të veçantë. Këtë vit ju është dhuruar çdo mësuesi një bookmark me shprehje motivuese dhe e pikturuar nga vetë të rinjtë.
Akademia “Nehemiah Gateway” dhuroi një flipchart për shkollat e qytetit, duke shpresuar se do të jetë një kontribut i vlefshëm, që krijon kushtet e favorshme për zhvillimin e akitiviteteve dhe mësimit nëpër këto shkolla.
Drejtoritë e shkollave dhe mësuesit e pritën me entuziazëm dhuratën e shpërndarë nga të rinjtë e Këshillit Rinor Pogradec, duke vlerësuar faktin që “Këshilli Rinor Pogradec me mbështetjen e Akademisë “Nehemiah Gateway” dhe Bashkisë Pogradec kanë gjetur gjithmonë një formë unike për të shprehur mirënjohjen dhe vlerësimin e tyre ndaj përkushtimit dhe punës së palodhur të mësuesve pogradecarë.” – u shpreh z. Arian Malçellari, drejtor i gjimnazit “Muharrem Çollaku”.
Grupet e punës së të rinjve shpërndanë dhuratat në 6 dhe 7 mars në gjimnazet
Muharrem Çollaku, Gjergj Pekmezi, Nehemia, Dëshmorët e Pojskës, 14 Ëngjëjt, Qemal Bazelli; si edhe me ndihmën e Qëndrës Arsimore, Bashkia Pogradec u sigurua shpërndarja e dhuratave edhe pranë shkollave të mesme Rodokal, Selim Gjonaj, 3 Dëshmorët dhe Velçan, duke kontaktuar me së paku 200 mësues të qytetit tonë në zonat rurale dhe urbane.
Duke ju uruar një festë të mbarë mësuesve, sa më shumë energji, durim dhe dashuri për çdo sfidë që paraprin punën e tyre në përditshmëri me ne! Falënderime të përzemërta Akademisë “Nehemia Gateway” për mbështetjen financiare dhe bazën materiale; Bashkinë Pogradec, Zyrën Vendore Arsimore, si edhe çdo të ri të Këshillit Rinor, që u përfshi në grupin e punës për përgatitjen dhe shpërndarjen e dhuratave me rastin e 7 Marsit.
Vlera juaj të dashur mësues nuk matet kurrë, por mirënjohja lë gjurmë të thella kur buron nga sinqeriteti dhe e vërteta.
Gazetare: Klea Gjika
Mars 2023
